«Сәнгать төне – 2018»: сәнгать берләштерә
Халыклар дуслыгы көне – 4 нче ноябрьдә «Мир» кинотеатрының «Ночь в «Мире» кино клубы халыклар дуслыгын тасвирлаган югары сәнгать дәрәҗәсенә ия фильмнарны күрсәтәчәк. Бу төндә кинотеатр тамашачылар өчен сәнгати галәмне башка яктан ача. Сәнгать чыннан да халыкларны берләштерә: бер-берсеннән кискен аерылган кешеләр өчен иҗат көче уртак кызыксынулар булдыруга сәләтле. Без ышанабыз: «Сәнгать төне – 2018» бәйрәмендә бар тамашачылар бер фикердә булырлар.
Сезнең игътибарыгызга «Сәнгать төне – 2018» бәйрәменең тулы программасын тәкъдим итәбез:
1. «Счастья! Здоровья!» фильмы (режиссерлары Марк Горобец, Арман Марутян һәм Леонид Марголин. Рәсәй, 2018 нче ел)
Өч гашыйк пар – татар, әрмән һәм рус – үз туйларын уздырырга җыеналар. Шунысы билгеле була, Ринат һәм Гүзәл өчен туй – кыйммәтле скрипканы кире кайтару өчен акча эшләү ысулы гына икән, Артурның әтисе өчен аның улының һәм Мәскәү кызы Юляның туйлары Әрмәнстанда узу мөһим, ә Светаның зур сере ачылмаган килеш саклана – аның элеккеге дусты Андрей кызның Олег белән туй көнендә төрмәдән чыга. Аның каравы, туй кунаклары чын-чынлап күңел ача, ә фильм тамашачыларының берьюлы өч туйда булу мөмкинлекләре бар.
2. «Тэли һәм Толи» (режиссеры Александр Амиров. Рәсәй, Канада, Грузия, Греция, 2015 нче ел)
Әлеге яшәеш тарихы Төньяк Кавказ тауларының осетияле Толи һәм грузияле Тэли авыллары чигендә бара. Гади һәм хәйләсез кешеләр, үзләрен бүген рәсми чикләр белән аерырга теләгәннәрен аңласалар да, дуслык һәм тынычлыкта яшәргә телиләр. Алар өчен милли һәм вакыт киртәләре юк, чөнки ике милләт моңа кадәр йөзәр еллар килеп чыккан низагларны дус һәм гадел рәвештә – Кавказ гадәтләре ярдәмендә чишәргә өйрәнгәннәр, ягъни шәраб һәм җырлар белән тәм-том тулы өстәл артында.
3. «Сердце моё – Астана» (режиссерлары Егор Кончаловский, Эля Гильман һәм Айдар Баталов. Казахстан, 2012 нче ел)
Казахстан кино әһелләренең Егор Кончаловский җитәкчелегендәге яңа проекты нәфис фильм буларак дөнья күрде. Фильм бер-берсенә бәйләнешләре булмаган 10 кечкенә кино новеллаларын берләштереп килә, ә алар, үз чиратында, төрле режиссерлар тарафыннан төшерелгәннәр. Үз төзелеше буенча проект Франциянең «Париж, я люблю тебя», Американың «Нью-Йорк, я люблю тебя» һәм Рәсәйнең «Москва, я люблю тебя!» фильмнары тарихын кабатлый.
Соңыннан, кино төне тәмамлангач, чын кино сөючеләр өчен үз кичерешләре белән уртаклашу һәм фильмнар хакында туган фикерләрен уртага салып сөйләшү өчен махсус әңгәмә уздыралачак.
Керү бәясе: 200 сум.
Исегезгә төшерәбез, «Мир» кинотеатрында кино төне дәвамында махсус акция дәвам итә: кино төненә бишәү килегез, ә дүртегез өчен генә түләгез!
.png)
