"Алтын минбар" XXII Казан халыкара кинофестивале кысаларында "Мир" кинотеатрында ясалма фәһем кулланып ясалган "Җиңү сәнгате" фильмы күрсәтелде. Аннан соң режиссер һәм идея авторы Фәрит Фарисов белән иҗади очрашу булды.
Сюжетның нигезендә авторлар тарафыннан формалаштырылган үз-үзеңне камилләштерү фәлсәфәсе ята: "Караганнан соң үзгәрерсең. Үзгәргәч - камилләшәсең". Хикәянең үзәгендә Болгар шәһәренә бәреп керергә җыенучы Аксак Тимер гаскәрләренең хикмәт иясе Харун ар-Рәшид белән очрашуы. Гаскәр башлыгының сорауларына җавап биреп һәм үткәннәрдән мисаллар китереп, акыл иясе Әмир Тимур империясенә нигез салучыны камалыштан баш тартырга кирәклегенә ышандыра. Фильм тәрбиянең белемнән мөһимрәк, ә чын көч - акылда һәм сугышсыз гына явызлыкны сүндерү сәләтендә икәнлекне күрсәтә.
Иҗат итүчеләр тәрбия төшенчәсенә аерым игътибар бирәләр. Картина беренче чиратта яшьләргә аталган. Анда гаилә кыйммәтләре һәм Ватанга мәхәббәт темалары ачыла. Очрашуда әйтелгәнчә, фильм "һәр уку йортында күрсәтелергә тиеш", чөнки анда яшь буын өчен файдалы "тирән уйлар" бар.
Очрашу барышында тамашачылар шулай ук фильмның кинематографиягә яңа юнәлеш - камера һәм актерларсыз традицион төшерүләрсез ясалган "техножанр" ачылуын билгеләп үттеләр. Чыгыш ясаучыларның берсе фильмны ясаучының вакытны узып китүен, ә тасманың бүленгән кыска мәгънәле өлешләре хәзерге тамашачы өчен актуаль булуын ассызыклады.
Очрашу ахырында режиссер Фәрит Фарисов иҗат планнары турында сөйләде һәм кинематографиядәге яңа чор турында үз карашлары белән уртаклашты. Ул билгеләп үткәнчә, хәзерге вакытта аның мәдәни-милли автономия командасы шул ук тенденцияне дәвам итүче тарихи шәхесләргә һәм вакыйгаларга заманча технологияләр призмасы аша мөрәҗәгать итү белән башкарылган берничә проект өстендә эшли.
