12 июньдә Аксенов скверында Россия көненә багышланган "Россия - Ватаным" бәйрәм кичәсе узды.

Бәйрәм кичәсе кысаларында тамашачыларга концерт программасы тәкъдим ителде. Программаны үзенең чыгышы белән «Танцевальный клуб» ("Бию клубы") хореографик коллективы башлап җибәрде, алар Надежда Будыленко җитәкчелегендә матур иттереп осталыкларын күрсәттеләр. Аннары тамашачы игътибарына яшь һәм талантлы башкаручы, шагыйрь һәм композитор Максим Смирновның музыкаль-поэтик әсәрләре тәкъдим ителде. Кадет корпусы «Раифский витязь» ("Раифа витязе") патриотизм һәм батырлык рухын чагылдырган программа тәкъдим итте.

Алып баручылар Светлана Говорунова һәм Рәисә Харисова катнашучыларны җанлы әңгәмәгә җәлеп итеп Россия тарихының төп вакыйгаларына кызыклы сәяхәт ясадылар.

Кичәнең кульминациясе булып «От Победы к Победе» ("Җиңүдән Җиңүгә") фильм-спектакле торды, аны "Добробат" СВО ветераннары төркеме әзерләде. Бу спектакльдә музыка һәм текстлар авторы буларак чыгыш ясаган Иван Хомяковның чын җырлары яңгырады.