Татарстан Республикасы Милли китапханәсендә 7 сентябрьдә 10.00 дән алып 11.30 сәгатькә кадәр "Алтын минбар" XXII Казан халыкара кинофестиваленең эшлекле программасы кысаларында "Россия киносы: тамашачыга нәрсә кирәк?" дигән темага ачык дискуссия узачак.

"Алтын минбар" Казан халыкара кинофестивалендә традицион рәвештә һөнәр белгечләре арасында эчтәлекле диалог мәйданы булып тора. Эшлекле программаның үзәк темасы буларак "Россия киносы: тамашачыга нәрсә кирәк?" ачык дискуссиясендә кино бизнесы, мәгариф һәм прокат буенча әйдәп баручы заманча медиа базарының белгечләре Россия киносының тиз үзгәрүчән тамашачы теләкләре шартларында көндәшлеккә сәләтлелекне, мәгънә тирәнлеген һәм сәнгатьчә кыйммәтне ничек саклап калу турындагы төп сорауларга җавап бирергә тырышачак.

Фикер алышуда катнашучылар заманча кино ясау индустрия чынбарлыгына туры киләме, юнәлеш буенча укырга теләүчеләргә ихтыяҗ булсын өчен һәм киң тамашачыга кызыклы продукт булдыра ала торган режиссерлар, продюсерлар һәм саунд-дизайнерлар әзерләүдә нәрсә үзгәртергә кирәк дигән сорауларны күтәрәчәк.

Чарада Россия һәм чит илләрдән кино җитештерүнең һәм дистрибуциянең төрле бүлекләрен тәкъдим итүче танылган белгечләр катнашачак:

1. Роман Исаев - Кинотеатр ияләре ассоциациясе советы әгъзасы;

2. Антон Нехорошев - "ПРО: взгляд" компаниясенең кино тарату бүлеге җитәкчесе;

3. Анна Бочарова - кино, маркетинг, сатып алу һәм дистрибуция өлкәсендә белгеч, кино проектларын үстерү һәм алга этәрү, җирле һәм халыкара контент белән эшләү буенча белгеч;

4. Анатолий Сергеев - "Кинологистика" кино прокаты компаниясенең генераль директоры;

5. Юрий Антошко - "Флора фильм" кинокомпаниясе продюсеры;

6. Алексей Козуляев - "РУФИЛМС" компаниясенең генераль директоры;

7. Елена Фисенко - "ПРО КИНО" дистрибьютерлык компаниясенә нигез салучы;

8. Екатерина Головня - "Золотая Лента Студиясе" ҖЧҖ генераль директоры;

9. Иван Лопатин - "Ливандия Энтертейнмент" (Leevandia Entertainment) ҖЧҖнә нигез салучы һәм генераль директоры, тулы метражлы һәм кыска метражлы фильмнар продюсеры.

"Алтын минбар" Казан халыкара кинофестиваленең башкарма директоры Миләүшә Айтуганова фикер алышу модераторы булачак.

Без кино индустриясе, медиа вәкилләрен һәм барлык кызыксынучыларны Россия кинематографиясенең киләчәге турында нигезле әңгәмәгә чакырабыз.

Урыны: ТР Милли китапханәсенең конференц-залы (2 нче кат).

Керү теркәлү буенча ирекле: https://nbrt.timepad.ru/event/4163388/

Видеотрансляция каралган: https://vkvideo.ru/live-90774022_456240466