7 сентябрьдә Г.Камал театрында тамашачыларның төрле буыннарын берләштергән вакыйга булды. "Алтын минбар" XXII Казан халыкара кинофестивале кысаларында театрның Көнчыгыш залы совет кинематографиясенең алтын чорына әверелде.

"Кино һәм музыка" проекты кысаларында узган кичә легендар композитор Александр Зацепин иҗатына багышланган иде. Аның музыкасы - саундтрек кына түгел, ул һәркемгә балачактан ук таныш мәдәни код. 70 ел иҗаты дәверендә маэстро 120 дән артык картина өчен музыкаль бизәлеш булдыра, безгә үлемсез хитларга әверелгән көйләр бүләк итә.

Зацепинның катлаулы һәм күпкырлы музыкасын сәхнәдә гәүдәләндерүне Татарстан сәхнәсенең күренекле артистларына тапшырылды.

Кичәнең үзәге буларак «Этот мир придуман не нами» дигән соңгы җыр яңгырады. Залда энергетика шулкадәр көчле иде ки, тамашачылар артистларны сәхнәдән һич кенә дә җибәрергә теләмәде. Һәм рәхмәт йөзеннән башкаручылар тамашачылар белән бергә өч тапкыр финал җырын җырлады.

Г.Камал театрында узган кичә Александр Зацепин музыкасының вакытлар аша да узып та күңелгә якын булганын тагын бер кат раслады. Бу көйләр яңгыраган вакытта без яхшылыкка, мәхәббәткә һәм чын кинодагы могҗизага ышануны дәвам итәбез.