"Алтын минбар" XXII Казан халыкара кинофестиваленең конкурс программасында "Анимацион фильмнар" номинациясендә җиңү өчен 10 тасма: АКШтан Кэролайн Гейрның "Дин Дон" анимациясе, Давид Наварро Бравоның "Минем уен" Испания картинасы, режиссер Хашир Әсәдинең "Фонтан" мультфильмы (Иран), Марокко режиссеры Марван Чигернең "Тикшерү"е, Һиндстан режиссерлары Суреш Ерият, Аман Гуптаның "Сарык йоны" эше.
Матбугат конференциясендә "Ясалма фәһем остаханәсе" (Ирак) анимацион фильмының режиссеры Хушам Алшиммари, аның турында сөйләгәндә, төп идеяне һәм тасманың юлламасын әйтте. "Мин иҗади индустриядә ясалма фәһем иҗатка тискәре йогынты ясый дип саныйм. Безнең фильмда якын киләчәк турында уйлап чыгарылган һәм хәтта гипотетик хикәя күрсәтелә. Анда робот белән ясалма фәһем һәм олы яшьтәге рәссам арасындагы мөнәсәбәтләр күрсәтелә. Бу хикәя аша мин ЯФнең ике ягы барлыгын күрсәтергә теләдем: берсе уңай, икенчесе тискәре". Хушам Алшиммари ЯФ анимациясендә катлаулы урыннар булдыру өчен кулланылырга мөмкинлегенә ышана. Ул ЯФне ярдәм итү коралы гына дип саный, ләкин беркайчан да иҗат итүчене алыштыра алмый. Шәхсән ул "Ясалма фәһем остаханәсе" фильмында ЯФ мөмкинлекләрен кулланмыйча, анимация ясауның традицион ысулларын тота.
Алшиммари күтәргән ЯФ темасы бөтен матбугат конференциясенең төп асылын билгеләде, һәм һәр спикер, үз эшләре турында сөйләгәндә, анимациядә ясалма фәһемнең ролен билгеләп үтте. "Минем этем" (Татарстан Республикасы) фильмы режиссеры Сергей Киатров ЯФ белән эшләү тәҗрибәсе белән уртаклашты. Һәм ясалма фәһем ярдәмендә шигъри әсәрне тәрҗемә итү мөмкин булмаган мисалын китерде. Хәтта кеше үзе тәрҗемә итү - ул аерым сәнгать әсәре. Ә ЯФ, аның фикеренчә, поэзиягә салынган хисләрне һәм мәгънәне җиткерә алмый. "Шуңа күрә Муса Җәлил шигыре буенча ясалган фильмыбызда без аны тәрҗемә итмәдек. Безнең анимациядә шагыйрьнең бөтен иҗатына хас патриотик мотивлар яңгырый. Гомумән, безнең барлык эшләребез дә белем бирү функциясенә ия. Шуңа күрә ул белем бирү процессында файдалы булыр дип ышанам", - диде Сергей Киатров.
Анастасия Жакулина Виталий Бианка хикәяләре буенча иҗат иткән "Соры ябалак" анимацион фильмының авторы. "Танылган язучыда һәм орнитологта соры ябалак - ерткыч, ул тискәре хисләр тудыра. Ә мин фильмда шуны әйтергә тырыштым: урманда яшәү аңа бик күп куркынычлыклар тудыра. Кечкенә генә яшәүчеләргә генә түгел, эре, ерткыч кошларга да авыр. Минем соры ябалагым кызгану хисләр тудыра. Шулай итеп мин яхшылык һәм явызлык төшенчәләренең бер яклы гына булмавын күрсәтергә тырыштым". Шул ук максатларга ирешү өчен Анастасия Жакулина фильмда кеше сөйләмен һәм хайван тавышларын кулланган.
Режиссер Жанна Бекмамбетованың "Ул" фильмы даланың кырындагы кечкенә йортта яшәүче малай һәм аның әтисе турында сөйли. Малай ятып кына тора, яисә инвалид коляскасында гына йөри ала. Бер көнне ул Марс планетасына иң яңа роботның төшүен белеп ала. "Минем фильм - кеше тормышында бернәрсә дә киртә була алмый, хәтта авырлык аша да үз максатына табу турында. Марсоход 15 ел дәвамында катлаулы ландшафтны үтеп, "кызыл планета" да үз миссиясен башкара. Шулай итеп ул баланың тормышында кызыксыну уята, дусты була, малайга ярдәм итә һәм шул ук вакытта әтисе күңеленә өмет чаткылары өсти", - диде Жанна Бекмамбетова.
"Алтын минбар" фестивале көннәрендә конкурс эшләрен күрсәтү "Корстон" кинотеатры залларында оештырыла һәм аларга керү ирекле. Фестиваль җиңүчеләре кинофорумның тантаналы ябылу вакытында 8 сентябрьдә игълан ителәчәк.
