"Мир" кинотеатры Италия киносын яратучыларның барысын да "ITALIAN BEST SHORTS 9: Крутые повороты" (18+) кыска метражлы фильмнар альманахына чакыра.

Италия киносы – ул һәрвакыт үзенчәлекле темперамент, нечкә юмор һәм кыска вакыт эчендә тирән хикәяләр сөйләү сәләте.

5 Италия тарихы. Тормышны "башта" һәм "аннан соң"га бүлүче 5 мизгел.

Бу альманах фестивальләрдә билгеле булган кино җыентыгы гына түгел. Бу персонажлар галереясы, анда таныш дөнья санаулы секундлар эчендә үзгәрә. Бу киноальманахның геройлары да супергеройлар түгел. Алар - безнең кебек гади кешеләр. Эшеннән арган кеше, сүзсез калган дус кыз, гади хыялый һәм үрнәк гаилә. Ләкин аларның һәрберсенә язмыш билгеле бер инструкция буенча гына чишеп булмый торган үз сынауларын бирә.

«Бензоколонка»

Винченцо машинага ягулык салу станциясендә көн саен эшләп инде арыды. Көтелмәгән танышу аның язмышын яңа борылышка алып бара.

«Миллениалы»

Мәктәп дуслары берничә ел бер-берсен күрмәгән булалар. Бер очрашуда әйтелмичә калган бар нәрсә дә калкып чыга.

«Однажды в Риме»

Римның ярлы районыннан бур кыз Миа актер булырга хыялланган сәер таксист белән таныша һәм аның беренче "спектакле" чыннан да искитмәле була...

«У бассейна»

Гадәти гаилә яллары чын фаҗигагә әйләнә...

«31 декабря»

Яңа ел алдыннан Карло әнисе белән бергә бәйрәм итүнең әлләни кызык булмавын аңлый һәм көтелмәгән, ләкин күңелле чакыру ала... Әмма әнисе ни дияр?

Тамашалар расписаниесе:

24 сентябрь (пәнҗешәмбе):

15:00 - дубль тәрҗемәсендәге сеанс.

18:30 - рус субтитрлары белән оригинал телендәге сеанс (чын итальянча сүзне ишетергә һәм актерларның барлык интонацияләрен тотарга теләүчеләр өчен).

25 сентябрь (җомга):

15:00 - дубль тәрҗемәсендәге сеанс.

20:10 - рус субтитрлары белән оригинал телендәге сеанс.

Нигә барырга киңәш итәбез?

Кыска метр - динамикалыкны югары бәяләүчеләр һәм бер кичтә берьюлы берничә тулы хикәяне күрергә теләүчеләр өчен идеаль формат. "Крутые повороты" - ул Italian Best Shorts популяр проектының тугызынчы чыгарылышы һәм традицион рәвештә Италиянең иң яхшы фестиваль әсәрләрен туплаган.

Яшь чикләве: 18+

Билетлар инде сатуда: https://kinoteatr-mir.ru/

Кино сеансларында очрашканга кадәр!