10 апрельдә йолдызлар күктә генә түгел, ә "Мир" кинотеатрының уңайлы залында да яктырды.

Космонавтика көненә багышланган очрашу шулкадәр якты һәм мавыктыргыч үтте ки, хәтта ерак галактикалар да "Мир"дагы энергияне сизгән кебек тоелды.

Космосны өйрәнү тарихы буенча сәяхәтне тәҗрибәле штурман Аделя Никитина Татарстан Республикасы "Татаркино" дәүләт бюджет мщдщният учреждениесенең кинофестивальләр һәм кино чараларын оештыру бүлеге методисты үткәргән викторинадан башланды.

Интеллектуаль ярышта ике команда - «Млечный путь» һәм «Сириус» җыелды. Мәктәп балаларын аеруча "Ышанам, ышанмыйм" уены кызыксындырды: космонавт скафандрының авырлыгы чыннан да 15 кг гына микән? Әллә кеше авырлыгы космоста югарырак буламы? Ә Белка һәм Стрелка 25 сәгатьтән артык вакыт үткәргәннәр һәм Җир тирәли 17 тулы әйләнеш ясаганнары дөресме?

Космос темасын дәвам итеп зур экранда «Моя собака – Космонавт» ("Минем этем Космонавт") маҗаралы фильмын күрсәтәләр. Бу беренче космонавт этләрнең берсе булган Белканың һәм ун яшьлек Мишка исемле малайның тәэсирле хикәясе.