"Татмедиа" Республика матбугат һәм массакүләм коммуникацияләр агентлыгы тарафыннан XVII Бөтенроссия "Многоликая Россия" журналистика конкурсы (алга таба - Конкурс) игълан ителде.

Конкурста катнашу өчен гаризалар кабул итү 11 июньдә башланып 2026 елның 1 сентябренә кадәр дәвам итәчәк.

Конкурсның учредителе һәм оештыручысы - милли эшләр буенча Федераль агентлык ярдәмендә «Татмедиа» Республика матбугат һәм массакүләм коммуникацияләр агентлыгы (алда таба - Агентлык).

Конкурста җиңүчеләр унбер номинация буенча дипломнар һәм акчалата бүләкләр алачак. (Гран-при - 500 мең сум, 1 урын - 100 мең сум, 2 урын - 80 мең сум, 3 урын - 50 мең сум):

«Гран-при»;

«Телесюжетлар циклы»;

«Телепроект (документаль фильм, телепрограмма циклы)»;

«Радиотапшырулар циклы»;

«Басма матбугатта язмалар циклы»;

«Интернет-массакүләм мәгълүмат чараларында материаллар циклы»;

«Массакүләм мәгълүмат чараларында балалар һәм яшүсмерләр проектлары»;

«Мәдәниятара диалогка багышланган иң яхшы проект» (ЯҢА);

«Россия Федерациясе халыкларының традицион рухи-әхлакый һәм гаилә кыйммәтләрен иң яхшы яктыртылуы»;

«Фотоэшләр сериясе: Россия халыкларының милли бәйрәмнәре»;

«Татарстан Республикасының массакүләм мәгълүмат чараларында милләтара һәм конфессияләр арасындагы мөнәсәбәтләр мәсьәләләрен иң яхшы яктыртылуы».

Конкурс нигезләмәсе һәм өстәмә мәгълүмат Агентлыкның рәсми сайтында урнаштырылган: https://tatmedia.tatarstan.ru/index.htm/news/2530293.htm. Белешмәләр өчен телефон номеры: 8(843)570-31-12.