Беренче Халыкара "Прометей" индустриаль кино фестивале 2026 елның 15 октябреннән 18 октябренә кадәр Пермьдә узачак. Фестивальне оештыручылар - АНО «Центр развития кинопроизводства» ("Кино җитештерүне үстерү үзәге") (Пермь) һәм Свердловск (Екатеринбург) киностудиясе.
 
Фестивальнең миссиясе - тормышыбызны үзгәртә торган ачышларны һәм вакыйгаларны яздыру һәм аңлау өчен фән, сәнәгать һәм кинематография арасында диалогка мәйдан булдыру. Фестивальне оештыручылар билгеләп үткәнчә, фән, технологияләр һәм сәнәгать үсешен кинематограф ярдәмендә аңлау, икътисадның реаль секторы һөнәрләрен популярлаштыру илнең технологик һәм сәнәгать суверенитетын ныгытачак, сәнәгать предприятиеләренең абруен күтәрәчәк, шулай ук кино җитештерүне үстерүгә хезмәт итәчәк.
 
"Прометей" кино камераларына ил тарихын язуны дәвам итәр өчен уйлап табылган. Ә тарих, безнең уйлавыбызча, икътисадның реаль секторында - чыгару һәм эшкәртү сәнәгатендә, машина төзелешендә, инновацион үзәкләрдә һ.б. чагыла. Беренче индустриаль кино фестиваленең иң мөһим бурычларының берсе - кинематографистлар һәм сәнәгатьчеләрнең танышулары, дуслашулары һәм бергә нәрсәдер эшләргә теләүләре", - дип билгеләп үтте "Прометей" фестиваленең иҗади продюсеры Евгений Григорьев.
 
Фестиваль иҗади һәм сәнәгать индустрияләренең эчтәлекле диалогы өчен бай Эшлекле программа тәкъдим итәчәк: мастер-класслар, ворк-шоплар, спикер-сессияләр.
 
""Прометей" халыкара фестивале Пермь өчен Сәнәгать елының билгеле вакыйгасы булачак. Бу зур җитештерү дөньясы белән конструктив диалог өчен кинематографияне берләштерүче уникаль эксперт мәйданчыгы. Безнең максат - үткән һәм хәзерге заман технологияләре турында фильмнарга ярдәм итү. Индустриаль кино җәмгыять белән аралашуның мөһим коралына әверелә, фәннең бөеклеге һәм техниканың матурлыгы турында сөйли", - дип уртаклашты "Прометей" генераль продюсеры Алена Семерикова.
 
Конкурс программасына предприятиеләргә, аларның тарихына, корпоратив кыйммәтләренә һәм җитештерелә торган продукциягә багышланган корпоратив фильмнар 30 минуттан артык булмаган, төшерү датасы - 2025 елдан да иртәрәк булмаган (Фестиваль башланырга бер елдан да ким түгел) эшләр кертелә.
 
Конкурстан тыш программага локаль һәм дөньяви кинематографиянең үткәне һәм бүгенгесе турында индустриаль (җитештерү) фильмнары кабул ителә.
 
Гаризалар кабул итү: 2026 елның 31 августына кадәр (Мәскәү вакыты белән 23:59 кадәр).
 
Гаризалар рәсми онлайн-форма аша кабул ителә:
 vk.cc/d038sG
 
Фестивальдә җиңүчеләр түбәндәге номинацияләр буенча билгеләнәчәк:
- Иң яхшы сценарий,
- Иң яхшы герой,
- Иң яхшы хатын-кыз герой,
- Локаль аудитория өчен иң яхшы фильм,
- Тышкы/киң аудитория өчен иң яхшы фильм,
- Иң яхшы анимацион фильм,
- ЯФ (ИИ) иң яхшы куллану,
- Ел ачышы,
- Фестивальнең Гран-прие,
- Инновацион ачыш.
 
Барлык сораулар буенча да электрон почта аша мөрәҗәгать итегез:
 prometeykinofest@yandex.ru