16 һәм 17 май көннәрендә Уфада "Родина" кинотеатрында Татарстан киносы көннәре узды. Башкортостан башкаласының якты тарихы белән танылган кино мәйданчык үткәрү урыны булды.
Чараның тантаналы ачылышы ТР ДБМУ "Татаркино"ның кинофестивальләр һәм кино чараларын оештыру бүлеге методисты Рәисә Харисова җитәкчелегендә узды. Ул кунакларны җылы сәламләгәнннән соң беренче картина режиссер Әлфия Шакирҗанованың "Тукай Уралда" документаль фильмын тәкъдим итте. Бөек татар шагыйре Габдулла Тукайның тормышына һәм иҗатына багышланган фильм тамашачыларны шагыйрь гомеренең мөһим елларын үткәргән Урал шәһәре атмосферасына багышланган. Тамашачылар картинаның Тукайны тарихи шәхес буларак кына түгел, ә тере, якын һәм чын шәхес буларак күрергә мөмкинлек биргәнен искәртеп чын күңелдән тәэсирләре белән уртаклаштылар. Шул ук көнне тамашачылар режиссер Илшат Рәхимбайның "Апипа" нәфис һәм күңелле музыкаль комедиясен күрделәр.
Татарстан киносы көннәренең икенче көне Сергей Киатровның "Әлмәндәр" анимацион фильмын күрсәтүдән башланды. Яктылыктан һәм яхшылыктан ясалган бу тылсымлы картина яшь тамашачылар өчен әкият дөньясына чын мәгънәсендә сәяхәт булды, аларның фантазиясен арттырып онытылмаслык хисләр бүләк итте.
Ике көнлек киномарафонның кульминациясе булып режиссер Салават Юзеевның "Гашыйклар тавы" фильмын күрсәтү торды. Тамашачыларга фильмны иҗат итүчеләр: режиссер Салават Юзеев һәм төп рольне башкарган актер Рафик Таһиров белән аралашу мөмкинлеге бирелде. Бу иҗади очрашу фильм җитештерүчеләрнең ниятен тирәнрәк аңларга, кино төшерү процессының кызыклы детальләрен белергә һәм кичәне чыннан да интерактив һәм истә калырлык итеп, дулкынландыргыч сораулар бирергә мөмкинлек бирде.
Чаралар Татарстан һәм Башкортстан мәдәният министрлыклары ярдәме белән ТР "Татаркино" дәүләт бюджет мәдәният учреждениесы тарафыннан оештырыла.
