Татар әдәбияты классигы Әмирхан Еникинең "Матурлык", "Кем җырлады?" һәм "Бер генә сәгатькә" новеллалары нигезендә төшерелгән. Фильмның төп герое - язучы, ул - Нобель премиясе лауреаты, озак еллар Европада яши. Гомеренең соңгы минутлары якынлашуны белгерткән авыруы сәбәпле туган ягын күреп калу теләген үтәп хатыны белән юлга чыгалар. Аларның бердәнбер уллары, билгеле режиссер, үзен "дөнья гражданины" дип атаучы кеше була. Бу алар арасында катлаулы мөнәсәбәтләргә китерә, ата-улның тарихлары шулай ук үрелеп баручы вакыйгалар белән бара:

- ике шәкерт малай (мәдрәсә укучылары) турында - 1908 ел;

- санитар ярдәм поездында гомере өзелүче лейтенант турында, үлем исереклеге аша кемнеңдер аңа таныш булган җырны көйләгәнен ишетеп ала - 1941 ел;

- 1943 елда фронтка китәр алдыннан туган йортына бер сәгатькә кереп чыга алган ананың улы турында.

Бу хикәяләр белән рәттән заманча вакыйгалар бер ноктага - 823-нче километрга, һәркемнең тарихына мөһим көчле урынына туплана.