14 октябрьдә 17.00 сәгатьтә Кино йортының Зур залында Татарстанның иң яңа "Әлифба" фильмы күрсәтеләчәк.

Режиссер, ТР Кинематографистлар берлеге рәисе Илдар Ягъфәров документаль-уен тасмасын ясау турында шәхсән үзе сөйләячәк.

Картинада легендар татар әлифбасы дәреслеген иҗат иткән ирле-хатынлы педагоглар Сәләй Вәгыйзов һәм Рәмзия Вәлитованың драматик язмышы турында сөйләнелә. Аларның әлифбасы СССРда популяр дәреслеккә әверелә: ул 43 тапкыр яңадан бастырыла, ә гомуми тиражы 1 миллион данәдән артып китә. Шул ук вакытта авторларның исемнәре озак вакытка күләгәдә кала. Фильмның премьерасы 2026 елның сентябрендә "Алтын минбар" XXII Казан халыкара кинофестивалендә узды, анда "Әлифба" "Иң яхшы милли фильм" номинациясендә җиңде.

Шул ук көнне чара режиссер Илдар Ягъфәровның "Байгал" картинасын күрсәтү белән тәмамланачак. Тормышка ашмаган хыяллар һәм башка мөмкинлекләр турындагы драма. Фильмда Татарстан актерларыннан тыш Владимир Вдовиченков та уйнаган.

Проектның алып баручысы – этник кино белгече, кино тәнкыйтьчесе Сергей Анашкин.