Режиссер һәм сценарий авторы Вера Соколова "Җиңүнең йөз юлы" дигән яңа документаль фильмын "Мир" кинотеатрында тәкъдим итте.

Экранда утыз минут эчендә махсус хәрби операция зонасындагы дистәләгән сугышчының тарихы сыйдырыла. Аларның барысының да үз юлы, МХОга (махсус хәрби операция) кадәр үз  язмышы булган һәм хәзер аларның бер генә максат - Ватанны саклау һәм җиңү белән өйләренә кайту.

Хәрби кадрларның, мобилизацияләнгән, контракт буенча хезмәт итүчеләрнең, волонтерларның тыныч тормышта үз һөнәрләре булган. Ул - гараж начальнигы, фәнни хезмәткәр, завод эшчесе, финансист, белгечлекне яңа гына алган чыгарылыш укучысы. Ә монда алгы сызыкта аларның һәрберсе башка хәрби һөнәр ала. Берсе штурмовик, икенчесе - минер, кемдер артиллерист, икенчесе дроннар операторы була.

Ут сызыгыннан ерак булганда кыска интервьюларда алар мондый карар кабул итәргә нәрсә этәргәнен, гражданлык бурычы һәм Ватанга мәхәббәт турында сөйлиләр. Аларның һәрберсе тыныч кына үз юлын сайлауларының дөреслегенә ышанып болай ди:"Кем, әгәр мин булмасам?", "Әгәр мин бармасам, улымның күзләренә ничек карыйм?", "Аның иле куркыныч астында булганда кеше читтә кала аламы?". Алар авырлыклар турында сөйләшмиләр диярлек, ә җәрәхәтләр турында оялган кебек әйтергә теләмиләр. Киресенчә, алар елмаеп туганнарына һәм дусларына сәламнәрен җиткерә, һичшиксез җиңү белән кайтырга вәгъдә итәләр һәм чын ир-ат кардәшлеге, югары сугыш рухы турында сөйлиләр.

Андрей Стрелец - "Шторм" волонтерлар оешмасы җитәкчесе фильм ахырында бу картинаны төшерү идеясе ничек барлыкка килгәнлеген сөйләде. Кайчандыр ул Степан исемле яшь кенә Донецк кешесеннән интервью ала. Бу язма да үз вакытын көтә. Вакыйгалар фаҗигале. Волонтерлар да һәлак була. Ә аның язылган җыры һәм интервьюлары "Җиңүнең йөз юлы" фильмында яңгырый.

Сугыштан бик ерак булып, аның коточкыч чынбарлыклары турында үз күзләре белән күрмәсәләр дә, шартлаулар, авырту, югалту, курку, үлем турында фильмны караучылар бу кыска вакытта да азмы-күпме нәрсәдер белә алды. Ә сугышчыларның, һичшиксез, дошманны җиңәчәгенә һәм Ватанны азат итәчәгенә ышаныч бер кыска, ләкин бик ачык, көрәшченең җиңендәге "Без хәтта тәмугтан да кайтачакбыз" дигән кадр тудыра.

Казан технология һәм дизайн көллияте студентлары МХО геройларының уйланулары, хис кичерешләре һәм бурычка тугрылыгы турында фильмны карады. Беркем дә битараф калмады. Озак вакыт дәвамында Вера Соколова һәм Андрей Стрелец аудиториянең күп санлы сорауларына җавап бирделәр.

"Җиңүнең йөз юлы" фильмының махсус тамашасында Татарстан Республикасы "Татаркино" дәүләт бюджет учреждениесенең кинофестивальләр һәм кино чараларын оештыру бүлеге методисты Рәисә Харисова тамашачылар арасында патриотик викторина уздырды. Хәзер безгә яңа геройларның - Ватан патриотларының исемнәре билгеле, аларның батырлыгына әлеге фильм багышланган. Аларның барысы да туганнарыбыз, якыннарыбыз һәм һәрберебез өчен дә герой.