15 февральдә "Татаркино" дәүләт бюджет мәдәният учреждениесе Татарстан Республикасы Милли музеенда татар шагыйре һәм Советлар Союзы Герое Муса Җәлил истәлегенә багышланган чараларда катнашты. 13.00 сәгатьтә музей залында "Батырлык гасырларда калачак" документаль фильмы күрсәтелде. Бу документаль фильм Казан кинохроника студиясендә төшерелгән һәм беренче тапкыр 2006 елда "Мир" кинотеатрында күрсәтелгән. Сценарий авторы Рафаэль Хәкимов һәм режиссер Илсөяр Ибраһимова Җәлил тарихын төрле яклап сөйләделәр. Тасмада тарихи фотолар, геройның кызы һәм дусларының истәлекләре, фаҗигале вакыйгаларның дәлилләре күрсәтелә. Исегезгә төшерәбез, Татарстан Республикасы "Татаркино"да 13800 фильмнан торган архив саклана. Күрсәтү алдыннан "Татаркино" хезмәткәре Лилия Кашапова фильмны тамашачыларга тәкъдим итте. Иң белемле кешеләр Җәлил турындагы сорауларга җавап бирделәр һәм призлы бүләкләр алдылар