Мәскәүдә IX «Языковая политика в Российской Федерации» ("Россия Федерациясендә тел вәзгыяте" форумы тәмамланды. Ул үз эшен "Мәгълүмат киңлегендә Россия Федерациясе суверенитетын ныгыту контекстында Россия халыклары телләрен цифрлаштыру" пленар утырышыннан башлады.

"Глобализация һәм цифрлы трансформация шартларында телнең төрлелеген саклау мәдәни яктан гына түгел, ә илнең милли куркынычсызлыгын һәм мәгълүмати суверенитетын тәэмин итү белән турыдан-туры бәйле стратегик бурычка әверелә", - дип белдерде Россия милләтләр эшләре буенча федераль агентлыгы җитәкчесе урынбасары Станислав Бедкин.

Фикер алышуның төп темасы телләрне цифрлаштыру экосистемасын формалаштыру булды. Форум эшендә ТР ДБМУ "Татаркино" продюсерлык үзәге җитәкчесе Ильяс Гафаров катнашты. "Иҗтимагый киңлекне трансформацияләү. Иҗади (креатив) индустрияләр үсешендә Россия Федерациясе халыклары телләренең роле" темасы аша ул катнашучыларны "Татаркино" эшчәнлеге белән таныштырды һәм татар телендә кино җитештерү һәм алга җибәрү перспективалары турында сөйләде. Форум раславынча, тел вәзгыяте бүген - телләрне саклауның традицион ысулларын алдынгы цифрлы технологияләр белән берләштерелгән комплекслы эш, бу күпмилләтле Россия халкының мәдәни суверенитетын һәм бердәмлеген ныгытуның мөһим шарты булып тора.