Ватанны саклаучылар көне алдыннан Бөек Ватан сугышында Җиңүнең 80 еллыгын бәйрәм итүгә багышланган "Татарстан урамнары: Җиңү йөзләре" социаль-мәдәни проекты кысаларында ясалган документаль роликлар циклын тәкъдим итәбез.
Проект "Татнефть" Хәйрия фондының "Игелек энергиясе" социаль инициативалар конкурсының "Тарихи мирасны саклау" номинациясендә җиңүче булып тора һәм "Илһам" милли мәдәниятне үстерү фонды тарафыннан Татарстан Республикасы "Татаркино" дәүләт бюджет мәдәният учреждениесе белән берлектә гамәлгә ашырыла.
Безнең социаль челтәрләрдә документаль цикл Татарстан Республикасы урамнары исеме бирелгән Бөек Ватан сугышы геройлары Мәгүбә Сыртланова, Николай Ватутин, Леонид Говоров, Барый Йосыпов, Газинур Гафиятуллин, Шәрифулла Газизуллин һәм башкалар турында сөйли.
Куючы режиссер Юлия Захарова ул сценарий язучы, ТР һәм РФ Театр эшлеклеләре берлеге әгъзасы, Казан дәүләт мәдәният институтының кино һәм телевидение режиссурасы кафедрасы доценты, күп кенә абруйлы кинофестивальләр һәм конкурслар лауреаты.
Төшерү процессы 2025 елның июленнән сентябренә кадәр Татарстан Республикасы территориясендә узды. Бу чорда төшерү төркеме Яр Чаллы, Бөгелмә, Түбән Кама, Әлмәт, Алабуга, Лениногорск, Сарман, Чирмешән һәм Нурлат кебек шәһәрләрдә һәм торак пунктларда булды. Моннан тыш, төшерүләр Казанда да узды.
Видеороликлар безнең рәсми ВКонтакте (https://vk.com/tatarkino?z=video-34607878_456240176%2F-34607878_17%2Fpl_-34607878_17) социаль челтәрендә, шулай ук "Илһам" милли мәдәниятне үстерү фонды битендә (https://vk.com/ilhamfond?z=video-205568430_456239046%2F-205568430_1%2Fpl_-205568430_1) урнаштырылган.
"Татарстан урамнары: Җиңү йөзләре" проекты тирән мәгърифәтчелек миссиясен алып бара, каһарманлык һәм патриотизм темаларын күтәрә. Ул яшь буында ата-бабаларның батырлыкларына хөрмәт тәрбияләүгә ярдәм итә, Ватанны саклау эшендә һәр гражданинның әһәмияте турында фикер формалаштыра һәм үткәнебез турында тарихи хәтерне саклый.
